Bertol Arrieta Kortajarena

Idazlea

Donostian bizi den zarauztarra, Informatika ikasketak egin zituen idazlea. Bi metroko gizona, bi haurren aita, eta bi aldeko txanpona: jostalari eta zirikatzaile batzuetan, malenkoniatsu eta hipersentikor besteetan. "Badaezpada ez egin" omen da eman dioten aholkurik txarrena; orduz geroztik, erronka berriak atsegin ditu: ipuin-liburuak idazten hasi zen, haur eta gazte literaturara egin zuen salto, gero etorri zen bere lehen nobela ("Gezurra berdaderoa"), eta ondoren komigintzarekin tematu zen (euskaraz, gaztelaniaz eta frantsesez argitaratu berri dute "Hodeien gaineko aldean", Sandra Garayoarekin ondutako bere lehen nobela grafikoa). Eta orain zer? Orain antzerkia! "Café bar Bilbao" teatro-laburreko saria irabazi zuenetik, bere antzezlan bat taula gainean ikusteko ametsa dauka. Eta etsitzeko asmorik batere ez.

euEuskara